Krev støtte frå staten til krisesenter

Dette kjem fram i ei pressemelding frå Haugalandsrådet og Sunnhordlandsrådet.

Dei to regionråda går samla ut med ei tydeleg oppmoding til Stortinget: Staten må bidra til finansieringa av nye krisesenterbygg.

Under eit fellesmøte i Aksdal torsdag fekk råda ei omvising på tomta der eit nytt felles krisesenter for Krisesenter Vest IKS er planlagt. I møtet vedtok dei òg ei felles høyringsfråsegn til Kommunal- og forvaltningskomiteen på Stortinget, der dei ber om at krisesenterbygg blir omfatta av relevante investeringsordningar i Husbanken.