Nei til smådyrvakta
Det var eit einstemmig formannskap som tysdag stemde for kommunedirektør Bjørn Tollefsen sitt forslag om å ikkje melda seg inn i avtalen om smådyrvakt på Haugalandet
Etne kommune var ikkje villige til å bruka 40.000 kroner i året på å vera medlem i samarbeidsavtalen om smådyrvakt på Haugalandet. Det blei einstemmig vedteke i tysdagens formannskap.
I forslaget frå kommunedirektør Bjørn Tollefsen blir det argumentert med at det ikkje er eit lovpålagt krav å delta i ei dyrlegevakt.
Annonse
— Eg har sjekka ut undersøkt litt rundt denne saka og det er ein veletablert og velutstyrt klinikk i Odda, som har kapasitet til å ta i mot smådyr også frå Etne. I lammesesongen kan dei ha eit lite problem med kapasiteten, men elles ikkje. Klinikken i Odda har eit godt rykte, og er velutstyrt, seier ordførar Mette Heidi Bergsvåg Ekrheim.
Ho legg til at omfanget av dyr som treng behandling av smådyrvakta i løpet av eitt år er mellom 10 og 12 dyr.
Formannskapet denne tysdagen var representert ved Knut Erik Ebne (KrF), Johannes Kringlebotten (Frp), Lars Olav Bergsvåg (H), Siri Klokkerstuen (Ap), Kari Aakra (Sp), Kristin Golf (V) og ordføraren.
Alle som ein stemde for kommunedirektøren sitt forslag.
