Minister møtte folk i Skjold

Lokal Ap-leiar, Hanne Stine Landa Vannes, opna i Skjold Arena før Øyvind Valen tok over leiinga av kvelden som samla rundt tjue personar. Ministeren hadde med seg sin politiske rådgjevar Sofie Rosten Løvdahl.  

Han starta med å seia at det er ein sterk samanheng mellom det som skjer i verda, og det ein merkar lokalt. Han sa at det var viktig for han å lytta til folk for å få innspel han kan ta med seg inn i den nasjonale politikken.

— Donald Trump har for tida dagleg nye ting på agendaen, og me blir påverka av dette som alliert land, var ministeren tydeleg på.