Desse skal visa seg fram for Liverpool FC. Frå venstre Erle Nybru frå Vikedal, Eline Moe Rørtveit frå Imsland, Amalie Sørhus frå Skjold og Ada Rørtveit frå Skjold.
Nils Tokheim
Liverpool sitt akademi til Vindafjord
Dei andre stadene akademiet kjem er Kirkenes, Orkanger og Kviteseid. Det er tydeleg ein viss plan i å oppsøka mindre stader, for dei veit nok at talenta like godt kan koma frå Vikedal eller Skjold når det er kome ei verdsstjerne frå Bryne.
— Sjølv om det er utfordrande, er me veldig glade for dette, seier leiar Aleksander Stople i fotballgruppa i Vindafjord IL.
Det var tilfeldig at dei kom over ein førespurnad frå Liverpool til norske klubbar. Fotballeiinga i Vindafjord IL, og idrettslagsleiar Asbjørn Aarekol, torde ta utfordringa med hjelp frå dei andre idrettslaga som er med fotballsamarbeidet Fjordar.
