Tap av sau til rovvilt ligg framleis på rundt halvparten av nivåa for ti år sidan.
Foto: Hallvard Østrem / NPK
Liten auke i tapte sau til rovvilt i 2021
NPK: Tap av sau til rovvilt ligg framleis på rundt halvparten av nivåa for ti år sidan. Det var jerven som hadde den største auken i 2021, medan .
Tap av sau og lam til rovvilt held seg framleis på eit lågare nivå enn tidlegare år, sjølv om det har vore ein liten auke i 2021, skriv Miljødirektoratet i ein pressemelding.
— Vi ser at tiltak som å skilje rovdyr og beitedyr i tid og rom har bidrege til lågare tapstal over tid. Det er likevel krevjande å nå Stortingets mål om å redusere tapet til rovvilt samtidig som vi skal nå bestandsmåla for rovvilt, då ein stor del av skadane skjer ved uventa skadesituasjonar i enkelte område, seier Ellen Hambro, direktør i Miljødirektoratet.
Det har dei siste 15 år vore ein betydeleg nedgang i tap til rovvilt. I 2007 vart det erstatta nærare 40.000 sau og lam på utmarksbeite. I 2021 var talet 16.864.
