Både Rogaland fylkeskommune og Fylkesmannen i Rogaland har sterke innvendingar mot planane om eit stort næringsområde på Nerheim i Ølen. Det omfattande overskotet av fjellmassar står heilt sentralt og grundigare analysar av effektane blir etterlyst. Samfunnsutviklar Erik Baust i Vindafjord kommune seier dei er i gang med å vurdere omfanget og transporten ut av området.
Arkivfoto: Jon Edvardsen
Like omfattande som Ryfast
Både Rogaland fylkeskommune og Fylkesmannen i Rogaland er bekymra for at konsekvensane ved å ta ut så store massar ikkje er tilstrekkeleg kartlagt. Begge hare levert såkalla motsegn mot tiltaket med krav om at inngrepet blir belyst grundigare.
Fylkesutvalet i Rogaland har vedtatt to motsegner mot prosjektet, og Fylkesmannen har seks.
Motsegn betyr at partane må bli samde med kommunen om endringar som begge partar godtar, alternativt at konfliktane ikkje lar seg løyse og reguleringsplanen går til Kommunaldepartementet for å bli godkjent der.
