Langtidsoppgåver kan erstatte eksamen i framtida. Til våren skal elever på vidaregånade skule vere med i eit prøveprosjekt der denne forma for sluttvurdering skal undersøkast.
Foto: Frederik Ringnes / NTB / NPK
Langtidsoppgåver kan erstatte eksamen på vidaregåande
Våren 2024 vil Utdanningsdirektoratet prøve ut langtidsoppgåver i staden for eksamen på vidaregåande skule.
Utdanningsdirektoratet vil vite om langtidsoppgåver gir elevane betre høve til å vise kva dei kan enn ein vanleg eksamen.
Skulane som er med i forsøket, skal både gjennomføre langtidsoppgåver og ha eksamen. Dette blir gjort får å gi direktoratet meir kunnskap om korleis langtidsoppgåver fungerer som sluttvurdering, skriv Utdanningsnytt.
Forsøket gjeld dei tre faga biologi 2 på VG3, matematikk 1P-Y på VG1 og politikk og menneskerettar på VG3. Erfaringane frå prøveprosjektet i desse faga vil liggje bak eit tilsvarande prøveprosjekt i 2025. Det kan også bli aktuelt å utvide prosjektet til fleire fag og til grunnskulen.
Tre faggrupper beståande av lærarar og forskarar skal utvikle kvar si ulike form for oppgåve, som elevane skal løyse.
(NPK)
