Kulturhus får eit løft

Med utgifter på nesten to millionar kroner etter oppgradering og nyinvestering er kvar ei krone i gåve til Ølen kulturhus kjærkomen. Derfor er smilet på plass når banksjef i Sparebanken 1 SR-Bank, Magne Christiansen dukkar opp med ein gåvesjekk på 135.000 kroner til dette føremålet.

— Dette set me stor pris på. Desse pengane går til oppgradering av scenearrangementet, men same bank har i tillegg gitt oss 50.000 kroner som var øyremerka lydanlegg, seier styreleiar i Ølen kulturhus, Åge Opheim takknemleg.

— Ein av grunnane til at eg med glede gir desse pengane, er at dei går til noko som kan vera til nytte for alle. Både unge og gamle. Dette er folkets hus, så då er det kjekt å vera med å bidra, seier banksjefen.