Kreativitet som styrkar fellesskapen

Gjennom programmet SMART har elevane deltatt i ein strukturert prosess der dei har lært om innovasjon og entreprenørskap. I løpet av litt over ei veke har dei arbeidd målretta med å utvikla eigne idear – frå tanke til prototype og ferdig presentasjon.

Gjennom ein styrt kreativ prosess har elevane fått trena på å skapa noko som har verdi for andre. Dei har lært å tenkja ut nye løysingar på både små og store problem, utvikla prototypar og presentera ideane sine framfor publikum.

— Målet har vore klart. Oppfinningane skulle styrka fellesskap og samarbeid, seier Therese Lindvik Nornes som er entreprenørskapsinspirator i Ungt Entreprenørskap Rogaland.