Målfrid Eide har vore med på planlegginga av årets løp.
Foto: Privat
Klar for nytt turløp
Etter to års pause er det endeleg duka for den ellevte utgåva av den 2,3 mil lange fjellturen Skjold på tvers. For Målfrid Haraldseid Eide i arrangementskomiteen er det kjekt å vera i gang igjen.
— Dette er noko me brenn for. Me set Skjold på kartet og det kjem mange tilreisande, seier Målfrid H. Eide som saman med ektemannen og tre andre par har tatt på seg arbeidet med å arrangera det populære løpet.
Løpet er delt inn i ein eliteklasse som spring på tid og ein turklasse der ein kan bruka så lang tid ein ønskjer for å koma i mål. Dei som skal springa må melda seg på i forkant, medan turgåarane kan møta opp på arrangementsdagen.
— Til nå har me 40 påmelde til løpet. Me har opptil 100, seier ho og minner om at turgåarane heller ikkje treng å fullføra heile løpet.
