Det blir snart morosamt i Skjold

Namnet på revyen er «Komplett skjoldabu», og revyplakaten syner ei ku liggande i ei badstove. Så mykje kan røpast at bading og badstove går igjen tidleg i revyen. 

På ekte revyvis er innslaga tufta på lokale aktuelle hendingar, men gir og eit bilete av typiske trekk med folk i bygda. Nokre må ein bruka fantasien for å kjenna att, medan andre blir det lemna lite tvil om kven er. 

Politikarar og kommuneadministrasjon er ynda revyobjekt, og den komande revyen i Skjold er ikkje noko unntak i så måte.