Glade turdamer klar for måndagens faste trimtur.
Irene Mæland Haraldsen
Klar for den faste måndagsturen
Det er måndag
føremiddag og klokka nærmar seg halv elleve. På parkeringsplassen ved
hovudvegen i Ølmedal sig det på med bilar fulle av turglade damer som er klar
for sin faste måndagstur. Mesteparten av damene er busett i Imsland og Vikedal,
og i dag er planen å leggja turen langs
ein idyllisk tursti i Ølmedal.
— Me pleier å gå turar på mellom
to til fire timar inkludert ein kaffipause. Me har alltid med kaffi og niste,
men i dag skal me på kafé hos Anita Øvregård etter turen, seier Marit Svandal (70)
som har ansvar for å leggja opp dei ulike turane.
— Me går ein del i Imsland, men
me går også turar i Vikedal og Sandeid. Sist måndag gjekk me i Skjold, seier
ho.
