Kjell og Signy Rønnevik gler seg til å feira jul med familien.
Irene Mæland Haraldsen
Kjære juleminne frå barndommen
— Me
gledde oss alltid til jul. Me fekk som regel noko nytt då, men det var ikkje
den velstanden som me har i dag, seier Kjell Bjarne Rønnevik.
93-åringen frå Vikedal har mange gode minne frå barndommens
jul heime på garden i Imsland der han vaks opp saman med foreldra Marta og
Bernhard Skipavåg og ein stor søskenflokk. Og sjølv om ungane i huset ikkje
fekk ta heilt fri frå arbeidsplikta heime på garden i juletida, minnest han koselege
dagar fylt med mykje moro, nissebesøk og god mat.
— Me
var ti søsken og eg var nummer ni. Me budde på ein stor gard med rundt 1000 mål
utmark og innmark. Me hadde mjølkekyr og sau, og me ungane måtte hjelpa til så
tidleg som me kunne, seier han.
