Helikopter lønar seg

Dei fleste gardane i Etne og Vindafjord har store, flate, lett tilgjengelege enger, men innmarksbeiter liggjande i skrånande terreng. Det gjer det krevjande å koma til med traktor, og tidkrevjande og slitsamt dersom ein heilt eller delvis skal gjera det manuelt.

Samvirkeforetaket Norsk Landbruksrådgiving (NLR) har sju stillingar ved avdelingskontoret i Ølen. Ei av oppgåvene dei tek på seg, er organisering av kalking med helikopter.

— Me får spørsmål om ein òg kunne gjødsla med helikopter i same slengen, men dessverre brukar dei eit heilt anna utstyr for helikoptergjødsling, seier rådgjevar Bård Oliver Gjellestad.