Heidra på heimebane

I firetida laurdag ettermiddag blei det varta opp med både marsipankake og andre kaker til norgesmeistrane og publikum som var til stades for interntevling i Vikedal motorklubb. Aarekol og Holten, vinnarar av høvesvis NM i crosskart 650 kubikk og rallycross supernasjonal klasse 2, hadde med seg NM-kransane sine til seansen, og fekk i tillegg blomar med gratulasjonar av klubbleiar Karina Nonslid.

— De er flotte representantar for klubben, konstaterte mellom anna Nonslid under overrekkinga.

Rundt dei var det tett med folk som tok del i markeringa ved motorbanen i Vikedal.