Gir unge jobbsøkjarar håp

Stemninga rundt bordet er særdeles god. Dei unge vaksne som sit i lag, har nett ete frukost saman og no går praten om laust og fast. Humøret er godt og låtten sit laust. Tre dagar i veka startar dei dagen på denne måten, og dette er eit svært positivt innslag i ein kvardag som er prega av arbeidsløyse og jakt på fast jobb. Sju personar har takka ja til tilbodet om å vera med i FRAM og berre to av dei kjende kvarandre frå før.

— Å få vera ein del av dette programmet er veldig positivt. Her får me treffa andre i same situasjon, me er her av same grunn. Alle vil me ut i arbeidslivet, og mens me ventar får me læra mykje nyttig om både søkeprosessar, korleis ein CV skal sjå ut, korleis det er lurt å formulera seg på intervju og i tillegg får me struktur på kvardagen, seier Emil Tysnes Andersen frå Sandeid.

Fire viktige ord