Gir skryt for avtalen
Norleif Fjeldheim i Skjold har demonstrert og kjefta på jordbruksforhandlingane tidlegare, men no meiner han politikarane bør få skryt. — Dette oppgjeret bør få optimismen tilbake, seier han.
Gardbrukaren frå Skjold er medlem av Senterpartiet og leiar av Skjold bondelag, men han pleier ikkje å kvi for å kritisere sine eigne. Men denne gongen meiner han det er all grunn til å vende tommelen opp for sluttresultatet i jordbruksforhandlingane som både Norsk Bondelag og Norsk bonde- og småbrukarlag slutta seg til 16. mai.
Gir skryt
— Politikarane har verkeleg levert i år, og regjeringa bør få skryt. Vanlegvis ropar vi at vi ikkje er nøgde, men i år bør vi ikkje klage på resultatet. Eg tenkte kanskje inntektsgapet ville bli tetta litt meir, men eg er nøgd med det vi får. No er ein inne på ein heilt ny veg. Folk vil ikkje forstå det om vi klagar på jordbruksavtalen i år, seier Fjeldheim.
