Går sin eigen veg

I første etasje heime i huset sitt i Nedre Vats har ho rigga til sitt eige fotostudio. Kontorpulten deler ho med ektemannen, og i det eine hjørnet av rommet har fotoutstyret fått plass. Den faste jobben som geograf/ingeniør i Omega Areal er eit avslutta kapittel. Nå skal ho stå på eigne bein og driva si eiga bedrift.

— Det mest skremmande er å få ei inntekt til å leva av. Eg gjekk frå ein stabil og godt betalt jobb, så dette blir ein overgang, seier den ferske fotografen og har valt å satsa på yrket ho alltid har drøymd om.

— Eg har alltid tenkt at å vera fotograf er heilt supert, men eg har trudd det ville vera for krevjande og ustabilt, seier ho.