I første halvår i 2023 er det gjennomført 76.039 oppkøyringar og 107.731 teoriprøver. 78 prosent av kandidatane bestod oppkøyringa og 58 prosent teoriprøva. Her ser vi ein førarprøvesensor og ein kandidat.
Illustrasjonsfoto: Statens vegvesen
Framleis stor etterspurnad etter førarprøver
I første halvår i 2023 er det gjennomført 76.039 oppkøyringar og 107.731 teoriprøver. 78 prosent av kandidatane bestod oppkøyringa og 58 prosent teoriprøva.
— Dei første fire månadane i år var det lågare etterspurnad etter oppkøyringstimar enn på same tid i fjor, men dette har endra seg fram mot sommaren. I juni 2023 er det til dømes gjennomført eitt tusen fleire oppkøyringar enn på same tid i 2022, seier avdelingsdirektør Heidi-Kristin Herbst i Trafikantavdelinga i Statens vegvesen i ei pressemelding.
Det er gjennomført 2000 fleire teoriprøver i første halvår 2023 enn på same tid i fjor. Berre i juni i år er det gjennomført 700 fleire teoriprøver enn i juni i 2022.
Delen førarprøvekandidatar som gjennomfører oppkøyring i køyretøy med automatgir har på landsbasis auka frå 50 prosent i første halvår 2022 til 56 prosent i år, melder NPK.
