Forteljetradisjonen lever

Midt inne i store, livlege Etnemarknaden har det gøymt seg ein pitte liten Forteljefestival. Norges minste forteljefestival, den einaste som blir arrangert i ei bygd, og med lang historie. Festivalen blei for første gong arrangert sommaren 2004, og det var Knut Molnes som var initiativtakar. Målet var at Etne gjennom munnleg forteljekunst skal presentera historia og kulturhistoria vår. No står den 15. festivalen på trappene, og årets program blir både variert og spennande.

Ei sterk forteljing frå krigen

Torsdag startar festivalen med Krigsfortellinger. Torgrim Mellum Stene som har delteke i mange forteljarstunder i Etne har med seg Amir Mirzai, er flyktning frå Iran og Krigsfortellinger er eit sterkt møte med det han måtte flykta frå i 1980, då krigen mellom Iran og Irak herja som verst.