Først inn i beredskapssenter
Ambulansestasjonen i Ølen går opp fleire divisjonar ved innflytting i det nye beredskapssenteret. På jobb heile døgnet betyr den fysiske standarden ganske mykje.
Martin Hufthammer og resten av ambulansepersonalet kan få eit nytt oppdrag når som helst. Natta er over, og dei siste to er i gang med å få i seg ein matbit på det flunkande nye kjøkkenet med spisebord og opphaldsrom i eitt, og med utsikt over Ølensjøen.
Det er som å sitje på orkesterplass ved store vindauge i det nye kommunale bygget Vindafjord beredskapssenter. Ambulansestasjonen er den første innflytta i senteret, og over sommaren skal brann og legesenter inn i lokala sine.
Sivilforsvaret har fylt opp garasjen sin med bil og utstyr.