Finale for sjuande gong

I byrjinga av desember spelte Ingrid Lunde og Oslo Volley seg til siger i semifinalen i volleyball og sikra seg plass i cupfinalen som skal gå i midten av januar. Det blir den sjuande cupfinalen på rad for volleyballtalentet frå Ølensvåg og ho er spent på om resultatet blir like godt som i dei tidlegare cupfinalane.

— Me har vunne tre gull og tre sølv tidlegare. Korleis det vil gå i denne kampen er det vanskeleg å seia. Førde, som me skal spela mot, er veldig gode. Det blir ein spanande kamp, seier Ingrid Lunde som slo volleyball-laget Koll i begge semifinalane i Oslo 13. januar.

— Me hadde grei kontroll heile vegen i dei to kampane, seier ho nøgd.