Tidlegare kommunedirektør i Etne, Filippo Ballarin
Arkivfoto: Grethe Hopland Ravn
Filippo Ballarin i ny toppstilling
Helgevold-konsernet går inn i 2026 med både ny selskapsstruktur, med Filippo Ballarin som ny toppleiar. Endringane skal gjera konsernet tydelegare og rigga verksemda for vidare vekst.
Frå 1.
januar har Helgevold-konsernet gjennomført fleire organisatoriske justeringar.
Det tidlegare Helgevold Elektro AS har skifta namn til Helgevold AS, mens
morselskapet no heiter Helgevold Gruppen AS. Ifølgje konsernet er namneendringa
eit viktig steg for å skapa ein meir oversiktleg og heilskapleg struktur, både
internt i organisasjonen og eksternt mot kundar og samarbeidspartnarar.
Samtidig
er det klart at Filippo Ballarin tiltrer som ny CEO (dagleg leiar) i Helgevold
AS. Ballarin er godt kjend i verksemda frå før gjennom rolla som CFO
(økonomidirektør), og vil no kombinera denne med ansvaret som dagleg leiar.
Konsernet meiner dette gir både kontinuitet og framdrift i den daglege drifta.
Konsernsjef
Bjørn Tollefsen held fram i rolla som toppleiar for Helgevold Gruppen AS. Han
kombinerer dette vidare med stillinga som konsernsjef i Tekni Gruppen AS, noko
som ifølgje konsernet skal gi ei tydeleg strategisk retning og eit sterkt
strategisk fokus vidare.
