Fargerikt gjennom sentrum

I farten føre laurdagens første teaterførestilling om Emil i Lønneberget, er leiar av Pippifestivalen, Theresa Tungesvik Hereide, på plass i hotellhagen ved Skånevik Fjordhotell. Og det strøymer på med publikum rundt henne.

Ho fortel at dagens to førestillingar er heilt utselde, og at det er program stort sett i eitt heile dagen for heile familien.

— Men mest gleda eg meg til festivalparaden etter Emil-førestillinga. Paraden går gjennom sentrum av Sunnhordlands perle. Med festlege og fargerike kostymer med full musikk, eller kom som du er. Det er i tillegg ein aktivitet som ikkje kostar noko, forklarer ho entusiastisk.