Staten kjøper inn Aadland si songlyrikkbok

Lyrikkboka «Alle dei i ei – Songlyrikk 1999–2024» er tatt inn i den statlege innkjøpsordninga for norsk skjønnlitteratur. Det betyr at staten kjøper inn over 600 eksemplar av fysiske bøker, og 150 digitale, som blir fordelte til bibliotek over heile landet.

Aadland legg ikkje skjul på kor mykje dette betyr for han.

— Dette var overraskande og veldig gledeleg, og det er jo både på vegner av meg sjølv og eit nytt steg i prosessen der songlyrikken blir tatt meir alvorleg. Det hadde eg ikkje rekna med, seier han.