Tom Roger Aadland
Thomas Mortveit
Staten kjøper inn Aadland si songlyrikkbok
Tom Roger Aadland si lyrikksamling «Alle dei i ei», er kjøpt inn av staten og blir no sendt ut til folkebibliotek over heile landet. Innkjøpet gir boka nytt liv – eitt år etter lanseringa av verket som samlar 25 år med songlyrikk frå rockepoeten frå Vikebygd.
Lyrikkboka «Alle dei i ei – Songlyrikk 1999–2024» er
tatt inn i den statlege innkjøpsordninga for norsk skjønnlitteratur. Det betyr
at staten kjøper inn over 600 eksemplar av fysiske bøker, og 150 digitale, som
blir fordelte til bibliotek over heile landet.
Aadland legg ikkje skjul på kor mykje dette betyr
for han.
— Dette var overraskande og veldig gledeleg, og
det er jo både på vegner av meg sjølv og eit nytt steg i prosessen der
songlyrikken blir tatt meir alvorleg. Det hadde eg ikkje rekna med, seier han.
