Familiebedrifta har baka i snart 128 år

Det er ikkje mange bakeri i Noregs land som er familiedrivne på 128. året, der bakaren er femte generasjon bakar, slik som i Skånevik. Det spesielle ved Larsen bakeri og konditori er at i staden for å leggja ned drifta slik som mange andre bakeri har måtte gjera, har dei lagt om heile drifta og satsar friskt med både pågangsmot og nye investeringar. Det betyr på ingen måte at dei utvidar og ekspanderer. Tvert i mot. Dei kuttar leveransar og krympar produksjonsmengda, og satsar i staden enda meir på den kortreiste baksten, kjærleiken til faget og kontakten til kundane.

— Mamma og pappa har drive bakeriet i mange år. Onkelen min var også med i mange år, men trekte seg ut for ei god stund sidan. Etter 41 år var foreldra mine klare for å runda av drifta eller selja, dersom ingen andre tok over, seier Sævareid som innrømmer at ho aldri ein dag har tenkt at det var ho som skulle bli bakaren i heimbygda.

I tenkeboksen