Ein veg å gå lokalt

Tidlegare i år etterlyste lokallaget HLR Grannelaget i Etne og Vindafjord ei oversikt over tilgang på teleslynge i dei to kommunane. Dei meiner slikt anlegg er fråverande i dei fleste offentlege bygg og forsamlingslokale og meiner kommunane har ei plikt til å syta for at hjelpemiddelet er tilgjengeleg. Nå har begge kommunane lagt fram den etterlyste lista over tilgang på teleslynge i kommunale bygg.

Vindafjord best

Vindafjord kjem langt betre ut enn Etne og kan visa til at dette hjelpemiddelet er installert i biblioteket, på Vindafjordtunet, på legekontora i Vikedal og Ølen, i alle kyrkjene, i Vats barnehage og skule, samt i rådhuset der både skranke, kommunestyresal og formannskapssal har teleslynge.