Ein festival for liten og for stor

Laurdag 12. juli er det duka for kjekke sommaraktivitetar for store og små ved Sommarfestivalen i Vikedal. Festivalen blir arrangert av Vikedal Båtforeining og Vikedal Bygdahus og har gått føre seg over lang tid, men blei satt på is i ein del år. I fjor var første året med nytt opplegg.

— Det er ein lett dugnad for folket å gå på ein festival der inntekta vil gå til bygda, seier Nils Erik Eide, styremedlem i Vikedal Bygdahus.

På føremiddagen vil Vikedal Båtforeining stå for både fiskekonkurranse og salsbodar. Sildakongen» tar med seg sjømat. For musikalsk underhaldning skal Sauda Trekkspelklubb opptre. Det vil også vere mogleg å få smake den kjente fiskesuppa.