Nyvald leiar i Fagforbundet Helene Harsvik Skeibrok er glad for at EU vel å støtta kravet om betre overtidsbetaling.
Foto: Javad Parsa / NTB / NPK
Ein av fire kan ha krav på høgare løn
Fagforbundet meiner deltidstilsette har krav på høgare overtidsbetaling enn det dei til no har fått.
På landsmøtet sitt i oktober vedtok Fagforbundet at deltidstilsette skal ha overtidsbetaling når dei arbeider meir enn stillingsprosenten sin. Til no har dei berre fått overtidsbetalt for arbeid over 100 prosent, melder FriFagbevegelse.
Dette betyr at dersom du har ein stillingsprosent på 60 prosent, skal du ha betalt for arbeid ut over dette. Denne endringa kan koma så mykje som 900.000 arbeidarar til gode, sidan 27 prosent av alle sysselsette i landet er i deltidsstillingar.
Tina Storsletten Nordstrøm, leiar i den juridiske avdelinga til Fagforbundet, seier at dette alt er gjeldande lov.
