E24: Nicolai Tangen ønskjer ny periode som oljefondssjef

Nicolai Tangen vil søkje på ein ny periode når åremålsstillinga som oljefondssjef går ut i september neste år, stadfestar han overfor E24.

Tangen tiltredde i 2020 og har eit åremål på fem år. For første gong stadfestar han at han ønskjer seg ein ny periode.

– Eg elskar å jobbe med dei flinke kollegaene mine i Oljefondet. Dette er det mest meiningsfylte eg har gjort i livet mitt. Saman har vi fått til veldig mykje dei siste åra, men eg kjenner ikkje at jobben er ferdig. Så eg kjem til å søkje på ein ny periode, skriv Tangen på e-post til avisa.