Dei aller fleste har ein jobb å gå til i Vindafjord og Etne

I februar var det registrert 34 heilt arbeidsledige personar i Etne kommune, noko som utgjer 1,6 prosent av arbeidsstyrken. I Vindafjord kommune stod 75 personar utan arbeid, som gir ei arbeidsløyse på 1,5 prosent.

Til samanlikning ligg arbeidsløysa i Rogaland fylke på 2,1 prosent, medan Vestland har 1,8 prosent. På landsbasis er arbeidsløysa no 2,2 prosent.

Arbeidsløysa i både Etne og Vindafjord held seg med andre ord lågare enn både fylkes- og landssnittet. Etter koronaperioden har tala vore stabile, og ingen av kommunane har hatt arbeidsløyse høgare enn to prosent sidan sommaren 2021.