Byrja som lærar – no tek han bilete over heile verda

Det er få dagar igjen til den 42. utgåva av marknaden i Etne, der moglegheitene for å sjå noko nytt og spennande er mange. Årets gjesteutstillar kjem frå Etne, og har gjort stor karriere av ei interesse som han hadde frå tidleg alder, nemleg fotografering.

– Eg synest jobben er veldig gøy, og føler meg heldig som får betalt for å reisa rundt i verda og ta bilete, seier Mills til Grannar.

På marknaden kjem han til å stilla ut og selja bilete frå ulike turar og oppdrag han har vore på – både i Noreg og ellers i verda, blant anna frå fleire turar til Antarktis. Han skal også halda to føredrag i løpet av helga, der han på det eine skal gi ulike tips og triks for å ta betre bilete, iblanda ein del historier om dei ulike bileta sine.