Bondemarknaden går av stabelen i Sjoargata i Ølen i dag, laurdag 22. september og det er berre å gle seg, for det blir mykje spennande å sjå, læra seg eller kjøpa. Ein av aktørane på torget denne dagen er bonde Kjell Vidar Øglænd som skal selja kjøt frå eigen gard. Han har dei to siste åra drive kjøtproduksjon frå heimegarden i Ølen, både til seg sjølv og for andre. Denne dagen byr han på kjøtprodukt frå både lam og kalv.
— Kjøt frå kalv er alltid godt, har liten tyggemotstand og er godt å jobba med. Eg kjem til å ta med meg både biffar, sosekjøt og kjøtdeig frå kalv, seier Øglænd.
Han legg til at det også blir høve til å kjøpa lammekjøt, men kva type produkt frå lam han tar med seg, har han ikkje bestemt seg for enno.
