Det var mykje liv i båthamna under rootsen.
Arkivfoto: Ragnhild Kristine Løkken.
Byr på gratiskonsertar og eige barneshow
I midten av juli går startskotet til årets Vikedal Roots Music Festival. På plakaten denne gong står noko for ein kvar smak, med kjente namn for store og små og konsertar både i båthamna, kyrkja og bedehuset.
— Me slår på stortromma med store namn, seier festivalsjef Ronny Gjermundsen i Vikedal Roots Music Festival.
Festivalen opnar dørene 17. juli med ettermiddagskonsert i Vikedal kyrkje. Så går det slag i slag med konsertar frå morgon til kveld fram til midnatt laurdag kveld.
— Me aukar aktiviteten med to konsertar på Vikedal Kro, og me tilfører noko nytt i år og tek i bruk bedehuset. Her blir det konsert med Haugesund Folkshow Ensemble med felespelar Nils Økland, dansarar og songarar, seier han.
