Glad for at han tok steget til ein ny kvardag

— Eg har blitt tatt veldig godt imot på arbeidsplassen og har følt meg velkomen, seier Svein Børresen.

Han kom inn på denne yrkesvegen gjennom programmet «Menn i helse», og har vore lærling i to år. Først jobba han berre ved bufellesskapet i Sandeid, som er eit kommunalt bufellesskap med seks husvære der brukarane betalar husleige. Etter kvart begynte han også å jobbe på Sandeidtunet, som er eit burettslag med fem husvære som brukarane eig sjølve, og der dei betalar fellesutgifter.

På Sandeidtunet er det per no fire bebuarar, og i bufellesskapet er det fem.