Ølen Betong satsar med samarbeid i nord

Dette opplyser Ølen Betong på nettsida si. Dei skriv at for å sikra lokal kompetanse og betre leveringsevne har ØB og VTS i Vadsø inngått samarbeid. I den nye modellen vil drifta av blandeverka skje gjennom det nye selskapet, medan betongtransport og betongpumping vert utført av VTS.

Det har over tid vore låg aktivitet i regionen, og i periodar har Ølen Betong berre hatt drift ved avdelinga i Tana. Avdelingane i Kirkenes og Vadsø har i denne perioden vore mellombels stengde, noko som har gitt avgrensa lokalt tilstadevere og lengre transportavstandar for betongleveransar.

Som følgje av omorganiseringa vil Ølen Betong sitt transportselskap Ølen Betong Transport AS (ØBT) ikkje lenger ha drift i Aust-Finnmark. Ingen tilsette vil mista jobben som følgje av endringane. ØBT-tilsette vil få tilbod om arbeid ved andre lokasjonar der selskapet har verksemd, medan tilsette i Ølen Betong kan verta overførte til det nye selskapet, og VTS vil gjennom dette auka bemanninga si i Aust-Finnmark.