Dømt for råkøyring – mista lappen i eit halvt år

Hendinga skjedde ein laurdag kveld i desember 2024 i Skjold. Mannen blei stansa av politiet etter ei fartsmåling som viste at han køyrde 52 km/t der fartsgrensa er 30 km/t.

Under hovudforhandlinga nekta mannen straffskyld. Han forklarte at han meinte han køyrde maksimalt 35 km/t, og hevda målinga måtte vere feil. Mannen peikte mellom anna på at bilen var senka og hadde fleire passasjerar, og at vegen var ujamn som etter hans syn gjorde det lite truleg at farten var så høg.

Politibetjenten som gjennomførte målinga forklarte i retten at målinga blei gjort etter gjeldande instruks, og at han var sikker på resultatet. Retten la vekt på denne forklaringa, samt loggen frå målinga, og fann ikkje grunn til å tvila på at farten faktisk var 52 km/t.