Legg til rette for jobbreiser frå Skånevik

Dette kjem fram i eit brev frå leiar Gudrun Einbu for transporttilbod og spesialkonsulent Kine Hilseth Aga i Skyss 6. mars.

I januar gjorde Skyss ei ruteendring der anløp til Ølen og Utbjoa vart lagde tilbake i båtruta. No følgjer Skyss opp med fleire justeringar. Bakgrunnen er tilbakemeldingar frå reisande og operatøren av båtruta. Justeringa gjeld mellom anna mindre endringar i stoppmønster og avgangstidspunkt på enkelte turar. Endringane vil tre i kraft søndag 15. mars.

På søndagar blir det justering av avgangstidspunktet for ein avgang til og frå Bergen, og endra rekkjefølgje på anløpa Ranavik og Sunde på avgangen frå Leirvik klokka 14.25. Ny rutetid i Bergen gir framleis byte til båten mot Sogn, og korresponderande buss i Ranavik blir endra tilsvarande.