Advokat Frode Lauareid (t.v) og kommunedirektør Åsmund Andersen Sekse under rettssaka i Haugaland tingrett.
Arkivfoto: Grethe Hopland Ravn
Brannberedskap
Brannsjefen: – Fullstendig umyndiggjort
Brannsjefen meiner han er omplassert på ulovleg vis og har saksøkt Etne kommune for brot på arbeidsmiljølova. Første dag i Haugaland tingrett gav eit djupare innblikk i konflikten som har prega brannvesenet i Etne det siste året.
Rettssaka går i sal 22 i Haugaland tingrett, med dommar Signe Lundegård som leiar. Ho innleia måndag morgon med å opplysa at ho var overraska over at Etne kommune hadde takka nei til rettsmekling, og oppmoda begge partar til å vurdera nettopp dette før vitneutspørjinga skal starta tysdag.
— Det er svært sjeldan at slike saker ikkje har vore til mekling, sa Lundegård.
