Per Hjemdal, gjerne mest omtalt som Per-Prest, er tilbake i Etne. Denne gong som ny sokneprest i Skånevik, og prosti-prest i Sunnhordland prosti. Søndag blir han innsett under gudstenesta i Skånevik.
Grethe Hopland Ravn
Blir innsett som sokneprest
Søndag ettermiddag blir det høgtid i Skånevik
kyrkje når Per Hjemdal formelt blir innsett i stillinga si. Prost i
Sunnhordland prosti, Arild Steinsland, deltar under gudstenesta, og det er han
som står for sjølve innsettinga.
Under gudstenesta les soknerådet ei helsing frå
biskopen som gir Hjemdal fullmakt som sokneprest i Skånevik. Ifølgje Hjemdal
blir han så bedt for og lagt fram for Gud i forbøn, før gudstenesta går vidare
i vanlege former, der den nye soknepresten sjølv også skal halda preika.
— Det blir ei vanleg gudsteneste, men samtidig ein
viktig dag for meg. Eg gler meg veldig, seier Hjemdal.
