Blei overraska med stipend
Lydia Haugan Helland (25) er aktuell med både singelslepp som soloartist, samtidig som ho turnerer med bandet Snillan Du. På snartur heime blei ho overraska med kulturstipend frå Vindafjord kommune, pålydande 30.000 kroner.
Det var ei svært overraska Lydia Haugan Helland frå Vikedal som fredag mottok Vindafjord kommune sitt kulturstipend frå Steinar Skartland.
— Planen var å dela dette ut under konserten i Sjøperlo på torsdag, men då denne blei avlyst, er det ei glede å få lov til å forstyrra deg midt i intervjuet med Grannar, sa Skartland, då han overraskar 25-åringen med eit stipend på 30.000 kroner.
Plan B var å dela stipendet ut under Snillan Du sin konsert i Vikedal fredag kveld, men også den blei avlyst på grunn av den akutte koronasituasjonen lokalt.
