Bil på taket i Skjold

Politiet fekk måndag ettermiddag melding om bil som låg velta på taket på Fv 515, mellom Otertong og Skjoldastraumen. Operasjonsleiar Svein Roald Vikse ved Haugaland og Sunnhordland politidistrikt opplyser at det dreier seg om eit einsleg køyretøy som hadde kome utanfor asfaltkanten, treft ei bergnibbe og velta.

Føraren, ein mann i midten av 80-åra, fekk mindre kuttskadar og blei tatt hand om av redningsmannskap, fortel operasjonsleiaren.

Mannen er anmeldt for uaktsam køyring.