Snøggbåten på veg inn til kaien på Utbjoa.
ARKIVFOTO: SVEIN-ERIK LARSEN
Båtretur drar ut
21. oktober vedtok fylkesutvalet i Vestland at snøggbåten frå Bergen og Sunnhordland til Ølen, med stjernestopp på Utbjoa, skal takast opp att så snart som mogleg. Dette drøyer truleg til 2026.
Det opplyser pressekontakt Øyvind Strømmen i Skyss i ein e-post.
— Arbeidet med gjenoppstart av tilbodet er starta opp. Intensjonen er å starta opp så snart som råd, men det er nokre praktiske løysingar som må på plass fyrst, og det er difor ikkje sett ein dato per no. Iverksetjinga vert truleg rett over nyttår, skriv Strømmen.
Etter tidlegare politiske vedtak blei Ølensambandet – stoppet i Ølen og Utbjoa for snøggbåten som går til Bergen og Sunnhordland – avvikla 1. juli. To innbyggjarinitiativ gjorde at spørsmålet nyleg blei handsama i fylkestinga både i Rogaland og Vestland.
