I dag er den avgjerande prøva på om SØK blir fusjonert med Haugaland kraft. Kraftlagssjef Kristoffer Vannes har fått mange positive tilbakemeldingar og ser ingen grunn til at det ikkje skal bli ja på årsmøtet for abonnentane i dag.
Arkivfoto: Jon Edvardsen
Avgjerande SØK-årsmøte i kveld
Men det er eit lite sannsynleg scenario at så vil skje i eit årsmøte der minst 4/5 (80 prosent) av dei oppmøtte må stemme ja til å gå frå samvirke til aksjeselskap for å kunne fusjonere. Mellom 1.500 og 1.600 abonnentar har stemmerett på årsmøtet i dag. Alle har fått eit brev i posten med invitasjon til møtet.
Grannar har tidlegare omtala lite deltaking på fleire av informasjonsmøta for eigarane av den lokalt eigde samvirkebedrifta Skånevik Ølen Kraftlag der fordelane av å kaste korta og gå inn i Haugaland Kraft var tema.
Mest besøkt var møtet i Skånevik der rundt 60 deltok. Det er bygda SØK har hovudsete i, men også der var det eit roleg møte utan stemmer som talte administrasjonen og styret i selskapet midt imot.
