Ausekarane spelar opp i Skånevik

Bjørn Jensen og Tor Endresen er frontfigurane i Ausekarane, og pratar nesten i munnen på kvarandre når dei skal fortelja om dei siste tre vekene på sjøen. I løpet av 21 dagar skal dei framføra 28 førestillingar, og Skånevik er nest siste kaistopp denne sommaren.

— Det er Skånevik i kveld og Rubbestadneset i morgon, og så er det over for i år. Men me gler oss til siste innspurt for me gjer jo det me elskar, og dei to fridagane me har hatt i løpet av årets turné har vore meir enn nok, seier Tor Endresen.

— Ja, då har me vore heima å elska, bryt Bjørn Jensen inn, og viser til dei to nemnde fridagane, mens resten av gjengen humrar i bakgrunnen.