Statsminister Jonas Gahr Støre (Ap) er innforstått med at det blir retta kritikk mot toppen i kjenslege og utrygge tider – eller tider med elendige meiningsmålingar og frykt for valnederlag.
Foto: Terje Pedersen / NTB / NPK
Alle gode ting er tre – endeleg skal det skje, trur Jonas Gahr Støre
For tredje året på rad kryssar statsminister Jonas Gahr Støre (Ap) fingrane for betre tider. No skal vanlege folk endeleg få betre råd og lågare renter.
– På denne tida i fjor snakka eg om dette, at eg håpa vi ville få eit vendepunkt i økonomien i 2024. No er eg glad for at dei tyngste fagmiljøa i Noreg seier at det er no, seier statsminister Jonas Gahr Støre (Ap) til NTB to veker før jul.
Då NTB intervjua han før jul i fjor, var overskrifta Støre krysser fingre for et bedre 2024». Året før var overskrifta Støre håper neste jul blir bedre». Då hadde han ein plan for å komme gjennom dette», sa han.
– For meg er det ein lette å sjå at trenden snur no. Noko av det mest gledelege med resultata er at arbeidsløysa samtidig har vore låg, seier den prøvde Arbeidarparti-leiaren.
