Om eldreomsorg, sjukeheimar, omsorgsbustader, konsulentar demografi og arbeidskraft

Som pårørande til mor mi som bur i omsorgsbustad i Vats, var eg for ei tid sidan invitert til eit møte i Vats der kommunalsjef Sigurd Gjerdevik informerte om komande endringar i eldreomsorga i kommunen. Me kunne bli berørte dersom dei som bur i omsorgsbustadane der vart flytta til Ølen omsorgssenter.

Demografi -eldrebølga- og ferre til å utføra omsorgstenester i framtida, var første punkt. At vår drift med to sjukeheimar var for kostbar, og dyrare enn samanliknbare kommunar, gjorde at det måtta sparast pengar var neste. Konsulentselskapet Agenda Kaupang var hyrt inn for å føreslå løysingar og hadde laga ein rapport om ulike alternativ.

Både pårørande og bebuarar var opprørte etter møtet fordi dei meiner at ei vedig god eldreomsorg nå kan verta skrota etter eit forslag frå eit konsulentfirma, utan at politikarar og adiministrasjon ser konsekvensane av det. Som pårørande vart me oppfordra til å koma med innspel og synspunkspunkt.