Vera Gjerde (t.v.), Hedda Gjerde og Martine Aarhus vann cupfinalen og kongepokalen i volleyball med laget sitt TIF Viking i januar. Laurdag vann dei sluttspelmeistrar.
ARKIVFOTO: PRIVAT
Sport
Tredje tittel for året
Laurdag blei dei tidlegare Vindafjord IL-spelarane Hedda Gjerde (22), Vera Gjerde (19) og Martine Aarhus (22) sluttspelsmeistrar i volleyball med TIF Viking frå Bergen. Dei siste månadene har dei òg hanka inn både NM- og seriegull.
Hedda og Vera Gjerde er søstrer og kjem frå Vikedal. Martine Aarhus er frå Sauda, men har spelt for Vindafjord IL i fleire år.
Dei fire beste laga i Mizunoligaen, det høgaste nivået i seriespelet, deltok i Final Four-sluttspelet. Kampane blei spelte i Randaberghallen fredag og laurdag.
I semifinalen fredag møtte TIF Viking Førde Volleyballklubb. Det blei 3-2-siger etter 15-13 i det siste og avgjerande settet.
