Sølve Østbø frå NMK Vikedal og Ølen sikra seg VM-tittelen i bilcross etter at Bergen-førarane Atle N. Teigland (nr. 2) og Marius Havre (nr. 3) fekk problem i finaleløpet.
Foto: Privat
Til topps i bilcross på heimebane
I strålande haustvêr gjekk finalane i VM på Vikedal Motorbane med NMK Vikedal som arrangør. Det vart mange flotte duellar under avslutninga i ei turnering som gjennom sesongen har samla opp mot 200 deltakarar.
Blant juniorane var Bjørn Cato Aarekol (17) frå Vikedal, klar som vinnar før helgas finale. Tekniske problem gjorde at han berre kom i C-finalen etter innleiande omgangar. Ungguten køyrte seg likevel heilt opp til A-finalen, der bilen meinte det var nok for denne gongen og stoppa på sjetteplass.
Vinnar blei Carl-Emil Heimvik, NMK Bergen. Best av heimeførarane vart Tobias Johansen, Ølensvåg, som med god køyring heile dagen tok ein fin fjerdeplass.
