Sindre Tjelmeland er assienttrenar i Lech Poznan som har fått ein pangstart i den polske toppserien.
FOTO: LECH POZNAN
Sindre Tjelmeland på veg til Molde?
Ifølgje Aftenposten, VG, Haugesunds Avis og Nettavisen
har Molde FK Tjelmeland som sitt førsteval til å ta over som hovudtrenar.
Romsdals Budstikke omtalte interessa først, tidlegare denne veka, og fleire
riksaviser følgjer no opp med nye opplysningar om prosessen.
Grannar har prøvd å få kontakt med Tjelmeland,
utan hell.
VG skriv at samtalane mellom Molde og Tjelmeland
er «positive og går riktig veg», men at viktige detaljar framleis må avklarast
før ein kontrakt kan signerast. Tjelmeland, som i dag er assistenttrenar i
polske Lech Poznan, har kontrakt der fram til sommaren 2026, og klubben skal
førebels ikkje vera spesielt interessert i å sleppa han.
